Oleh: SAPUTANGAN BARENDA ATAN BOH KOSONON? Demikan sepotong ayat pertanyaan dalam bahasa Murut Timugon bagi sesuatu perkara yang bukan sahaja melihat berlaku keganjilannya tetapi terdapat pelik sedikit.
Kupayie bagu pakatigog sabab baru nakulaan buoi pinasubol ra surat khabar rokoon talu ngaatus ulun nu SAPP siminuang ra Parti Gerakan tiningganai ri Nelson Manjin tapi raginoh ti kalo bagu mangakun eyoh ra eyo ti intor ra SAPP sabab memang motopot eyo ti salahkah ahli nu SAPP.
Bila enimusok eh Nelson ti, rokoon noh namatik ra karatas abar nasala napaabar am eyo pana nakatigog ak bila namasa ra binatikan pinasuang ra rondo abar tabloid tampatan, lalaabi poyoh eyoh ti paieh nu tingganai namimpin ra Pergerakan Pemuda SAPP zon Pedalaman.
“ Paieh nu kiminoko aku ra pasal inatangan raginioh memang motopot tapi kolondo pinabala mai ra akai ti am ahli intor ra SAPP…taawa laa amon ada kuwoyon pulitik nilo ro bokon,” kon ri Nelson am eyo ti poyoh niak kososn makimaap eyo ra SAPP.
Kuati bagu eh Nelson kula sotopot noh minatong ra rondo nagugumaan koson napatutuiyan ra borang sinubalan nilo ra Parti Gerakan ondo inapu ru Naib Presiden nu Parti Gerakan Tan Sri Liew Yun Fah eh Nelson nambala,
“ Memang sotopot noh toojo borang naukop talu ngaatus tapi aku ak napa tutui sabab masuang intor ra luar kawasan koson intor ra Tambunan, Kota Kinabalu am Pantai Timor kalo nokoongoi bulintok ra gili jadi ilain boh kalo kukula masuang,” sugut bala ri Nelson.
Intor ra pinaabaran koson nakatutuundang bagu, upisol nu SAPP siminangit am nangimuag elo bagu ra abar ra gili am ilo tutuurus naniasat kiniantapatan ru abar ra gili tapi saboi ra gino pinaabar eh kalo motopot.
Tiada ulasan:
Catat Ulasan