Ahad, 24 April 2011

PRN KE-10 SARAWAK MENURUN, ASSOCIATE PROF SINGAPORE

PINARALIN RA RAGU MURUT TIMUGON: Ambrose Mail Mathew

KUCHING: Sangulun puun nu mangingila (Associate Proffessor) intor pangingilaan sikul masawat ra Singapore nangundasa ra kinabaalo nampilian ra PRN ke-10 Sarawak ra naka babaagu tih koson nangara eyoh masuang nakulawan sungka nu ondo namagun ra liliut tampilon kakadaian am intoko poyoh intokon ra ginioh koson linuluran ulun mampipili bansa nu kina. Sumugut ra pangundasaan ri Bridget Welsh rokoon noh natirangan totoopot nu pamangkang nasuangan navang noh intor tampilon ra saparu kakadaian koson ra Batu Kawah, Dudong am poyoh Piasau.

“ Sinugangan toojo ra nampilian ra ginioh mambuli maundasaan ra Senadin niayuk,” luta ri Welsh. Sumugut ra naundasaan ri Welsh mabuli makitoh kinasuangan mamaar masuku 20% am poyoh livung nu asak nakabatik kikira15% am 13% poyoh livung nu kakadaian.

Rokoon ri Welsh, pamangkang nakaalap masuang nanungka kaapo am nangundi risiloh koson ulun mangamulok kaapo am tutuu bagu ranoh ondo gumogot toojo mangaligh ra parinta mamalibagu ra paliso nu karajaan BN.

Hari anam ra nakasail ili, maundasa niak kikira 16% sangkagh ru minongoi pangundi lili ru tuu bagu tapi ulun mangatutuo kolondo niak sangkagh lakat ak poyoh kikira 3.5%. Arati nanoh pamangkang nakaalap ra undi nu tuu bagu suang 26%.

Eeh Welsh, sangulun associate professor of political science at Singapore Management University, koson nangalap rondo undasa matulai salakah suusunur ra mangiantangah koson papaaliso sungka ru ulun mangamulok ra Sarawak ra nampilian nakabagu tih sabah masuang ulun sandiwar (dunia luar) kaapo am sandaup nangimuagh am pinaganda ra bilor 2006 PRN ke-9 Sarawak.

.“ Bilor 2006 mangungundi Malayu simingkod 9%. Kina am Iban singkod nanoh 8.7% increase, Bidayuh 7.1%, Orang Ulu 5.6% am bansa ra naaratok 5.7 %,” rokoon ri Welsh am poyoh koson bansa nu Orang Ulu-siminingkod kurisi 20%.

Atan pana kosonon BN nakasangut ra majority 2/3 am namarita saguli ra Sarawak, tapi rokon ri Welsh amon elain ramayo kinapanggolo nu BN kalo bagu malansanan sabab pamangkang ra ginoh ti tinuliran sugango ru mangamulok ondo uli uli ra orou ra maagu mabuli mamparatu ra BN.